History of Hz. Zulqarnayn

Tareekh aur Ilm ye do aisi cheezein hai jinhe jitni zyada gahraai se jaan na chaahein vo mazeed us se kaee zyada dilchasp hoti chali hi jaati hay.

ASSALAMU ALAYKUM Khush Aamdeed Aaj jinka zikr hone ja raha hay yaqeenan unke baare me har vo shakhs jaanta hoga, jisne kalaam-i ilaahi padha ya suna hay. quraan-i qareem ki surah al qahf me irshad hay; ek insan ke taur par jo mashriq se maghrib aur junoob se shumal tak safar karta hay, insaano aur yajuj - majuj ke darmiyan deewar tameer karvata hay, kaheen aur quraan-i kareem bayaan karta hay, deewar ke peeche maujood yajuj - majuj ki rihaai se dunya ke ikhtetam ki alaamat kayse insano par zahir hoti hay, quraan me doosre maqaam par bayaan hay, ek hi raat me Allah rabbul izzat ke hathon yajuj majuj ka khatma kar diya jaaega, jo yavm al qiyamah ka aaghaaz karenge. Hazrat zulqarnayn ke baare me guzishta aur maujooda muarrikheen ne kaee daave kiye hayn, doosri jagah ibtidaai muslim muarrikheen aur tabseeraah nigaaraan ne hazrat zulqarnayn ka milaap kaee hastiyon me kiya hay, jinme parthian hukmraan kisrounis, junoobi arabi hukmraan sa'b dhu maraasi aur shumaali arabi lakhami hukmran al munzir ibn imru-al qays vagayrah shakhsiyaat shamil hayn. doosre muarrikheen me se kuch ka kahna hay ki zulqarnayn ek paygambar the, kuch ka kahna hay ki zulqarnayn ek boodhi aurat (old woman) ke farzand the, ya zulqarnayn hi vo shakhs hayn jinhe 'Alexander The Great' ke laqab se pukara gaya hay aur bhi kaee alqaab, jinme se kuchh aam hayn: jayse,    turk log Oğuz Kağan ke laqab se zulqarnayn ko jaante hayn, saleebi Cyrus The Great, kuch arabi muarrikh Imru-al Qays ibn Amr, kuch saleebi muarrikh Darius The Great, aur muarrikheen-i yahood Messiah Ben Joseph; vagayrah alqaab zulqarnayn ko diye gaye hayn. jahaan tak baat hay atraak (turk kaum) ki to vo zulqarnayn ko oghuz khan nahi maante balki is jahaan ke mukhtalif mumaalik me maujood muarrikh ye dava karte hayn. jadeed muslim ulama hazrat zulqarnayn ka milaap cyrus the great me karte hayn. ek muarrikh hone ki haysiyat se aur quraan me hazrat zulqarnayn ke zikr ki maujoodgi se  mera ye dava hay ki zulqarnayn hi vo shakhs hayn ki jinhe ye makhlooq mukhtalif alqaab se pukaarti hayn: 1. Saval: ham ye kayse kah sakte hayn ki Zulqarnayn hi Oghuz Khan the ? Javab: is daave ka jeeta jaagta saboot ye hay ki sabse pahle to aap hazrat nooh alayhissalam ke bete sam ki aulaad se hayn hazrat zulqarnayn ne maghrib se mashriq aur junoob se shumal tak ka safar kiya tha aur tamaam jahaan fatah kiya tha, apne maskan se koso door maujood kaum ko yajuj - majuj ke zulm se insano ki hifazat ki thi, jiske liye unhone mukhtalif maadniyaat, jinme loha, tamba aur bhi kaee maadniyaat, se tayyar karda deewaar yajuj - majuj aur insaano ke darmiyaan taameer karvayi thi aur aap do seengon vala taaj pahna karte the. turk tareekhi kitabaat aur muarrikheen ke mutabiq yahi qisse oguz khan par bhi guzar jaane ke daave kiye jaate hayn ki oghuz khan ne bhi saari duniya fatah ki thi aur vo nooh alayhissalam ke bete yaafis ki aulaad me se hayn, oghuz khan ne apne daur ke logon ko ek bahut bade insani nasl me payda hue do jaanvaro se bachaya tha. oghuz khan do seengo vala taaj pahna karte the.

 

TURKMENISTAN KI CURRENCY PAR OGHUZ KHAN KI KALPANIK TASVEER

is tasveer me aap dekh sakte hayn ki turkmenistan ki currency par oghuz khan ko do seengon vala taaj pahne hue bataya gaya hay, jo yahi saabit karta hay ki zulqarnayn ko hi turk log oghuz khan ke naam se pukarte hayn. zulqarnayn hi oghuz khan the is baat ka ek aur saboot ye hay ki, ulama - e - yahood ke mutabiq zulqarnayn ke daur-i hukmrani se pahle iran me mukhtalif yahoodi qabaail raha karte the aur us vaqt iran ke takht par bakhtnasar naami zalim badshah takhtnasheen tha, jo yahoodiyon par behad zulm kiya karta tha, yahoodiyon par uske zulm ki vajah ye thi ki guzarte vaqt ke sath kaum-i yahood be imaan hone lage aur Allah unse behad naraaz tha lihaza un par azaab nazil karne ke liye Allah ne bakhtnasar ko azaab ke taur par yahoodiyon par naazil kiya. fir jab yahoodiyon par azaab khatm karne ka vaqt aya to Allah ne hazrat zulqarnayn ko bakhtnasar ke khaatme ke liye tamam jahaan ki hukoomat ata ki aur jab zulqarnayn ne bakhtnasar se Allah par eemaan laane aur zulm chhod dene ki peshkash ki to usne mazaak udate hue inkaar kar diya. is tarah kaee baar peshkash karne par har baar bakhtnasar inkaar karta raha to hazrat zulqarnayn ne us se jang ka aylaan kar diya aur jang ke liye jis maqaam par dono lashkar mukhatib hue the vahaan aaj turkey maujood hay. yaqeenan aapko aage batane ki zaroorat nahi kyon ki turkon ke mutabiq oghuz khan ne bhi apni futuhaat ka silsila isi maqaam se (turkey) shuru kiya tha.

 

hazrat yafis ke mauzoo par tafseel se jaankari hamne in post me de rakhi hayn